O pasado 12 de maio, sábado, a Real Orde de Cabaleiros de María Pita celebrou os seus actos solemnes de Homenaxes e Investiduras de acordo co seguinte programa:

Ás 10:30 no Castelo de San Antón, homenaxe aos heroes da defensa da Cidade durante o cerco inglés de 1589. Actuou como oferente o Caballero Alberto José Carro Igelmo. Finalizando coa interpretación de ” Il silenzio” a cargo de John Aigi Hurn, solista de trompeta da OSG.

Ao redor das 11.00 horas, os Cabaleiros congregáronse na praza de Carlos I, formándose a comitiva de entrada na Venerable Orde Terceira ( VOT), que se realizou baixo os sones do “Canon de Pachelbel” interpretado por Alexandre Chairo e Hugo Rodriguez. Seguidamente, tras a Invocación realizada polo Maestre, realizouse unha homenaxe en recordo dos Cabaleiros falecidos no ano 2017/18 baixo o son da “Lista de Schindler”.

Iniciouse o acto coa toma de posesión de Ana Mª Nieves Onega como Alférez Maior 5º e proseguiu coa Investidura dos novos Cabaleiros: Jesús Villanueva, Miguel Belo, Luís Carro, Manuel Viso, Begoña Rodríguez, Guadalupe Teuntor, José Carlos Cobas e Socorro Fábregas, que xuraron ou prometeron todos eles respectar, defender e cumprir fielmente, os fins e normas desta Real Orde. Finalizando este acto, coa interpretación do himno de María Pita polo nova Cabaleiro investida Lis Teuntor.

Ás 12.30 horas dirixímonos á Igrexa Conventual dos Pais Dominicos onde se realizou a ofrenda floral á Virxe do Rosario a cargo da Alférez Maior Ana Mª Nieves Onega, e posterior actuación da Coral da Sagrada Familia.

Finalizamos os actos deste día na praza de María Pita, ante o seu monumento, coa intervención do Gran Maestre, o alcalde da nosa cidade D. Xulio Ferreiro Baamonde, onde realizamos unha ofrenda floral conxuntamente, a corporación municipal e a Real Orde. A intervención da Banda Municipal e a Coral da Sagrada Familia interpretando o himno galego puxo o broche de ouro a este día de homenaxes.

Pechouse a xornada cun xantar de benvida aos novos Cabaleiros Investidos no Sporting Club Casino onde contamos coa entrañable actuación de Marypaz.

Dia de Homenaxes e Investiduras